اسلام ٹائمز 24 Oct 2019 گھنٹہ 7:53 https://www.islamtimes.org/ur/news/823711/حکومت-ایسے-بوکھلاہٹ-کا-شکار-ہے-جیسے-بھارت-سے-کوئی-لشکر-ا-رہا-ہو-عبدالغفور-حیدری -------------------------------------------------- ٹائٹل : حکومت ایسے بوکھلاہٹ کا شکار ہے جیسے بھارت سے کوئی لشکر آرہا ہو، عبدالغفور حیدری -------------------------------------------------- نجی ٹی وی سے گفتگو کرتے ہوئے اپوزیشن رہنما نے الزام لگایا کہ کارکنوں کی گھروں سے گرفتاریاں، چادر اور چار دیواری کا تقدس پامال کیا جارہا ہے۔ متن : اسلام ٹائمز۔جمعیت علمائے اسلام کے سیکریٹری جنرل مولانا عبدالغفور حیدری کا کہنا ہے کہ ہمارا مارچ شروع ہونے سے پہلے ہی حکومت ایسے بوکھلاہٹ کا شکار ہے جیسےبھارت سے کوئی لشکر آرہا ہو۔ نجی ٹی وی سے گفتگو کرتے ہوئے انہوں نے الزام لگایا کہ کارکنوں کی گھروں سے گرفتاریاں، چادر اور چار دیواری کا تقدس پامال کیا جارہا ہے۔جمعیت علمائے اسلام کے رہنماء نے مزید کہا کہ کنٹینرز لگا کر اسلام آباد کی شاہراہوں کو بند کیا جارہا ہے، حکمرانوں نے سڑکیں بند کرکے ہمارا کام آسان کردیا، ہمارے کارکنوں کو ہراساں کیا جا رہا ہے، ڈرنے اور گھبرانے والے نہیں۔مولانا عبدالغفور حیدری نے حکومت سے یہ بھی کہا کہ آپ ہمارے ڈنڈوں سے گھبرائیں نہیں، مداخلت نہ کی گئی تو آزادیمارچ پُرامن ہوگا۔