اسلام ٹائمز 28 Nov 2021 گھنٹہ 5:57 https://www.islamtimes.org/ur/news/965813/مولانا-وسیم-عباس-معصومی-ایم-ڈبلیو-ملتان-کے-نئے-سیکرٹری-جنرل-منتخب -------------------------------------------------- علامہ احمد اقبال رضوی نے حلف لیا ٹائٹل : مولانا وسیم عباس معصومی ایم ڈبلیو ایم ملتان کے نئے سیکرٹری جنرل منتخب -------------------------------------------------- نومنتخب ضلعی سیکرٹری جنرل نے اپنے خطاب میں کہا کہ مجلس وحدت مسلمین کمزوروں اور مستضعفین کیلئے آواز بلند کرتی رہے گی، یہ ملک لا الہ کی بنیاد پر قائم ہوا، لیکن آج ملک کو مغربی یلغار تباہ کر رہی ہے، غریب کی مشکلات میں اضافہ ہو رہا، حکومت عوامی مسائل حل کرنے میں ناکام نظر آرہی ہے۔ متن : اسلام ٹائمز۔ مجلس وحدت مسلمین ملتان کی ضلعی شوریٰ کا اجلاس جامعہ شہید مطہری ملتان میں منعقد ہوا، اجلاس میں ملتان کے تمام یونٹس کے اراکین سمیت آرگنائزنگ کمیٹی کے اراکین نے شرکت کی، مجلس وحدت مسلمین کے مرکزی ڈپٹی سیکرٹری جنرل علامہ سید احمد اقبال رضوی نے خصوصی طور پر اجلاس میں شرکت کی، اجلاس میں صوبائی سیکرٹری جنرل علامہ سید اقتدار حسین نقوی، ڈپٹی سیکرٹری جنرل صوبائی سلیم عباس صدیقی، سیکرٹری تربیت علامہ قاضی نادر حسین علوی، سید دلاور عباس زیدی، انجینئر سخاوت علی سیال، مولانا وسیم عباس معصومی سمیت دیگر صوبائی رہنماء بھی شریک تھے۔ اجلاس میں اکثریتی رائے سے مولانا وسیم عباس معصومی کو ایم ڈبلیو ایم ملتان کا ضلعی سیکرٹری جنرل منتخب کیا گیا۔ مولانا وسیم عباس معصومی سے مرکزی ڈپٹی سیکرٹری جنرل علامہ سید احمد اقبال رضوی نے حلف لیا۔ نومنتخب ضلعی سیکرٹری جنرل مولانا وسیم عباس معصومی نے اپنے خطاب میں کہا کہ مجلس وحدت مسلمین کمزوروں اور مستضعفین کے لیے آواز بلند کرتی رہے گی، یہ ملک لا الہ کی بنیاد پر قائم ہوا، لیکن آج ملک کو مغربی یلغار تباہ کر رہی ہے، غریب کی مشکلات میں اضافہ ہو رہا، حکومت عوامی مسائل حل کرنے میں ناکام نظر آرہی ہے، اسلام، پاکستان دشمن اور ہزاروں فوجی جوانوں کے قاتل طالبان کے لیے نرم گوشہ افسوسناک ہے، حکومت ایسی حرکتوں سے باز رہے، ملتان سمیت جنوبی پنجاب میں اتحاد بین المسلمین کے لیے اپنا کردار ادا کرتے رہیں گے۔ اس موقع پر علامہ امیر حسین ساقی، عاشق حسین، مولانا غلام جعفر انصاری، فخر نسیم صدیقی، شہباز حیدر گرمانی، محمد رضا مومن سمیت دیگر رہنما بھی موجود تھے۔