اسلام ٹائمز 19 Sep 2019 گھنٹہ 10:23 https://www.islamtimes.org/ur/news/817029/کشمیر-فلسطین-مسائل-کا-حل-ڈھونڈنا-ہر-مسلمان-کی-ذمہ-داری-سردار-مسعود -------------------------------------------------- ٹائٹل : کشمیر، فلسطین مسائل کا حل ڈھونڈنا ہر مسلمان کی ذمہ داری، سردار مسعود -------------------------------------------------- مصر کی جامعہ الازہر کے شعبہ اُردو کے سربراہ سے ملاقات میں صدر آزادکشمیر کا کہنا تھا کہ عالم اسلام کی نااتفاقی سے بھارت اور اسرائیل کو جانوں سے کھیلنے کا حوصلہ ملا۔ متن : اسلام ٹائمز۔ صدر آزادکشمیر سردار مسعود خان نے کہا ہے کہ کشمیر اور فلسطین اُمت مسلمہ کے حقیقی مسائل ہیں جن کا سنجیدہ حل ڈھونڈنا مشرق و مغرب کے ہر مسلمان کی دینی اور اخلاقی ذمہ داری ہے۔ یہ بات انہوں نے کشمیر ہاؤس اسلام آباد میں مصر کی جامعہ الازہر کے شعبہ اُردو کے سربراہ محمد ابراہیم کی قیادت میں فیکلٹی ممبران پر مشتمل ایک وفد سے گفتگو کرتے ہوئے کہی۔ صدر آزادکشمیر نے کہا کہ عالم اسلام کی نااتفاقی اور باہم خانہ جنگیوں کے باعث بھارت اور اسرائیل کو مقبوضہ کشمیر اور فلسطین میں جانوں سے کھیلنے کی جرات اور حوصلہ ملا، یہ مسائل اس وقت تک حل نہیں ہوں گے جب تک تمام مسلمان اتحاد و اتفاق کا عملی مظاہرہ نہیں کریں گے۔