اسلام ٹائمز 18 Nov 2019 گھنٹہ 21:21 https://www.islamtimes.org/ur/news/827957/اگر-کچھ-نہ-ہو-رہا-ہوتا-نواز-شریف-کے-ہمراہ-مریم-باہر-ہوتیں-میجر-جنرل-ر-انیس-باجوہ -------------------------------------------------- کچھ تو ہے جسکی پردہ داری ہے ٹائٹل : اگر کچھ نہ ہو رہا ہوتا تو نواز شریف کے ہمراہ مریم نواز باہر نہ ہوتیں، میجر جنرل (ر) انیس باجوہ -------------------------------------------------- نجی چینل کو دیئے گئے ایک خصوصی انٹرویو میں پاک آرمی کے سابق وائس چیف آف جنرل اسٹاف نے کہا کہ حکومت اور نون لیگ کے مابین ‘ڈیل’ کی جانب اشارہ کرتے ہوئے کہا میاں محمد نواز شریف کی طبیعت بلاشبہ ناساز ہے لیکن پھر بھی پردے کے پیچھے کچھ نہ کچھ کار فرما ضرور ہے۔ متن : اسلام ٹائمز۔ پاکستان آرمی کے سابق وائس چیف آف جنرل اسٹاف، میجر جنرل (ر) انیس باجوہ نے دعویٰ کیا ہے کہ سابق وزیراعظم میاں محمد نواز شریف پہلے بھی ڈیل کے نتیجے میں گئے تھے اور اب بھی ایسا ہی کچھ ہو رہا ہے۔ نجی چینل کو دیئے گئے ایک خصوصی انٹرویو میں انیس باجوہ نے حکومت اور نون لیگ کے مابین ڈیل کی جانب اشارہ کرتے ہوئے کہا میاں محمد نواز شریف کی طبیعت بلاشبہ ناساز ہے لیکن پھر بھی پردے کے پیچھے کچھ نہ کچھ کار فرما ضرور ہے۔ ان کا کہنا ہے کہ نواز شریف اسٹیبلشمنٹ سے بناکر ہی رکھتے ہیں، پہلے وہ چوہدری نثار کے ساتھ مل کر معاملات نمٹاتے تھے۔ انہوں کہا کہ معاملات کے کچھ اشارے ہوا کرتے ہیں، اگر کچھ نہ ہو رہا ہوتا تو نواز شریف کے ہمراہ مریم نواز باہر نہ ہوتیں۔