Islam Times 5 Oct 2011 182011000000Wed, 05 Oct 2011 18:57:44 +0330 18:57 https://www.islamtimes.org/az/news/104007/faxnews-wallstreet-də-etirazçıların-tələbi-bütün-amerikalıların-tələbidir -------------------------------------------------- Pentaqona bağlı informasiya şəbəkələrinin etirafı Title : FaxNews: WallStreet-də etirazçıların tələbi bütün amerikalıların tələbidir -------------------------------------------------- IslamTimes - FaxNews televiziya şəbəkəsi WallStreet-də xalq qiyamını araşdırarkən qeyd edib ki, ABŞ-da mövcud üsul-idarəyə etiraz edənlərin tələbi əksər amerikalıların istəyidir. Text : "IslamTimes" “FaxNews”-a istinadən bildirir ki, etiraz dalğası solçulara aid edilsə də, aksiyaların tələbi bütün Amerika xalqının istəyidir. Etirazçılar bütün Amerika xalqının tələblərini ortaya qoyub. WallStreet etirazları New York və başqa böyük şəhərlərdə iki həftədir davam edir. Minlərlə amerikalı gənc etiraz aksiyalarına qatılıb. Polisin təzyiqləri və həbslər aksiyaların qarşısını ala bilmir. “FaxNews” etiraz aksiyalarını tənqid edərək onun əhəmiyyətini kiçiltməyə çalışır. Hətta aksiyalar məsxərəyə qoyulur. Bir aksiyaçının NewYorkTimes-da gedən müsahibəsində “sizin sənətiniz nədir” sualına “mən inqilabçıyam” cavab verməsi ironiya ilə təqdim olunub. “FaxNews” təkid edib ki, aksiyalarda mühüm nöqtə Amerika xalqının əksəriyyətinin dözülməz şəraitdə olmasıdır. Ölkənin hər iki aparıcı partiyası xalqın bu günündən xəbərsiz bir fəzada yaşayır. Məlumatın sonunda bildirilir ki, aksiyalar uzansa, Amerika xalqı ümidsiz bir vəziyyətdə suallarına cavab gözləyəcək. 17 sentyabrda New Yorkun Monhetten məntəqəsində minlərlə etirazçı ölkədəki iqtisadi və siyasi duruma etiraz bildirib. Onlar böyük şirkətlər və bankların kiçik bir qrupun əlində cəmlənməsinə etiraz ediblər. Etiraz aksiyaları “WallStreet-i ələ keçirin” adı ilə məşhurlaşıb. Ölkədəki işsizlik, İraq və Əfqanıstandakı müharibələr də şüarlarda yer alıb. Aksiyalar Qərb teleşəbəkələri və mətbuatından işıqlandırılmayıb, ABŞ polisinin vəhşilikləri, bir gündə 700 nəfərin həbs olunması dünya ictimaiyyətindən gizlədilib. Xəbər verilir ki, qarşıdakı günlərdə müəllim və fəhlələrin həmkarlar təşkilatı növbəti aksiyalara başlayacaq. Artıq gərginlik Boston, Çikaqo, San Fransiskoya da keçib. Bazar ertəsi günü Los Ancelsdə aksiyalar baş tutub. Torontoda da aksiyalar planlaşdırılır. Aksiyaçılar arasında kino rejissor Mayk Mur, məşhur aktyorlar Süzan Sarandon, Alek Baldvin də var. New Yorkun keçmiş qubernatoru Devid Peterson da aksiyaçılara qoşulub. "IslamTimes" - Tərcümə şöbəsi