0
Monday 13 May 2013 21:18

ملتان، گیلانی خاندان کی سیاست ختم، کوئی بھی پارلیمنٹ میں نہ پہنچ سکا

ملتان، گیلانی خاندان کی سیاست ختم، کوئی بھی پارلیمنٹ میں نہ پہنچ سکا
اسلام ٹائمز۔ سابق وزیراعظم سید یوسف رضا گیلانی اور اُن کے پورے خاندان کو اس بار شکست کا سامنا کرنا پڑا ہے۔ خود یوسف رضا گیلانی تو نااہل ہونے کے باعث الیکشن سے باہر ہو گئے تھے۔ اس کے ساتھ ساتھ اُن کا خاندان بھی شکست سے دوچار رہا۔ سابق وزیراعظم کے مخدوم احمد مجتبی گیلانی کو پاکستان مسلم لیگ ن کے اُمیدوار سید جاوید علی شاہ نے شجاع آباد کی سیٹ سے شکست دی، سابق وزیراعظم کے بڑے بیٹے سید عبدالقادر گیلانی کو سابق وفاقی وزیر سکندرحیات بوسن نے مسلم لیگ ن کے ٹکٹ سے شکست دی، چھوٹے بیٹے اور ایفیڈرین کیس میں ملوث سید علی موسی گیلانی کو پاکستان تحریک انصاف کے مرکزی وائس چیئرمین مخدوم جاوید ہاشمی نے شکست دی ہے۔ جبکہ اُس سے چھوٹے بیٹے سید علی حیدر گیلانی (جو کہ الیکشن سے دو روز قبل اغواء ہو گئے تھے) کو شوکت حیات بوسن نے شکست دی۔ اس طرح یہ وقت گیلانی خاندان کے لیے کافی کٹھن ہے۔ ایک دور تھا کہ جب یوسف رضا گیلانی خود وزیراعظم تھے، بھائی احمد مجتبی گیلانی پنجاب اسمبلی کے ممبر تھے، دو بیٹے سید عبدالقادر گیلانی اور علی موسی گیلانی قومی اسمبلی کے ممبر تھے۔
خبر کا کوڈ : 263538
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش