0
Monday 9 Sep 2019 10:02

شاہ محمود قریشی تین روزہ دورے پر جنیوا روانہ

شاہ محمود قریشی تین روزہ دورے پر جنیوا روانہ
اسلام ٹائمز۔ وزیر خارجہ پاکستان شاہ محمود قریشی تین روزہ دورے پر اسلام آباد سے جنیوا روانہ ہو گئے۔ وزیر خارجہ ہیومن رائٹس کونسل کے بیالیسویں اجلاس میں شریک مندوبین کے سامنے نہتے کشمیریوں کا مقدمہ پیش کریں گے۔ ہیومن رائٹس کونسل کے اجلاس میں دنیا بھر سے مندوبین شرکت کر رہے ہیں۔ وزیر خارجہ، جنیوا میں او آئی سی، ڈبلیو ایچ او کے رہنماؤں سے ملاقات کے علاوہ مقامی و بین الاقوامی میڈیا نمائندگان سے گفتگو اور مختلف علاقائی اور عالمی امور پر پاکستان کا موقف اور نقطہ نظر بھی پیش کریں گے۔ وزیر خارجہ اپنے مختصر قیام کے دوران بھارت کی جانب سے مقبوضہ جموں و کشمیر میں اٹھائے گئے یکطرفہ غیر آئینی اقدامات اور ان کے نتیجے میں خطے کو درپیش خطرات کی جانب دنیا کی توجہ دلائیں گے۔ جنوبی ایشیا میں امن و امان کی مخدوش صورتحال کے تناظر میں وزیر خارجہ کے اس دورے کو خاصی اہمیت دی جا رہی ہے۔
خبر کا کوڈ : 815261
رائے ارسال کرنا
آپ کا نام

آپکا ایمیل ایڈریس
آپکی رائے

منتخب