0
Friday 8 Nov 2019 21:21

امریکہ کا القاعدہ کے 2 رہنماؤں کی معلومات دینے پر 10 ملین ڈالرز کا اعلان

امریکہ کا القاعدہ کے 2 رہنماؤں کی معلومات دینے پر 10 ملین ڈالرز کا اعلان
اسلام ٹائمز۔ امریکہ نے القاعدہ کے دو اہم رہنماؤں سعد بن عاطف العولقی اور ابراہیم احمد محمود القوصی کے بارے میں معلومات فراہم کرنے والے کو مجموعی طور پر 10 ملین ڈالر انعام دینے کا اعلان کیا ہے۔ بین الاقوامی خبر رساں ادارے کے مطابق امریکہ نے القاعدہ کے دو سينیئر رہنماؤں کے بارے ميں معلومات کی فراہمی پر دس ملين ڈالر تک کے انعامات کا اعلان کيا ہے۔ امریکہ ان رہنماؤں کی گرفتاری یا ہلاکت پر مددگار کو انعامی رقم کی فراہمی اپنے انصاف کے لیے انعام اسکیم کے تحت جاری کرے گا۔ اس حوالے سے امریکی محکمہ خارجہ کا کہنا ہے کہ سعد بن عاطف العولقی کی گرفتاری میں مدد دینے والے کو 6 ملين اور ابراہيم احمد محمود القوصی کے بارے ميں معلومات فراہم کرنے پر 4 ملين ڈالر انعام دينے کا اعلان کيا گیا ہے۔

سعد بن عاطف العولقی يمن کے ايک صوبے میں القاعدہ کا رہنما ہے، جو شدت پسندوں کو امريکہ پر حملوں کے لیے کئی بار سرعام ترغيب دے چکا ہے، جبکہ محمود القوصی کو بھی امریکی شہریوں اور املاک کے لیے خطرہ خیال کیا جاتا ہے۔ واضح رہے کہ انصاف کے ليے انعام نامی اسکیم کے تحت امريکی حکومت نے 35 برسوں ميں 150 ملين ڈالر کی رقوم بطور انعامات خرچ کی ہے اور امریکی حکام اسامہ بن لادن اور ابوبکر بغدادی کی ہلاکتوں کو اسی اسکیم کی کامیابی سمجھتے ہیں۔
خبر کا کوڈ : 826305
رائے ارسال کرنا
آپ کا نام

آپکا ایمیل ایڈریس
آپکی رائے