0
Wednesday 13 Nov 2019 11:37

مولانا فضل الرحمان کی پلان بی کی دھمکی، پنجاب حکومت متحرک ہوگئی

مولانا فضل الرحمان کی پلان بی کی دھمکی، پنجاب حکومت متحرک ہوگئی
اسلام ٹائمز۔ مولانا فضل الرحمن کی پلان بی پر عملدرآمد کرنے کی دھمکی  کے بعد پنجاب حکومت متحرک ہوگئی۔ وزیراعلی پنجاب سردار عثمان بزدار نے اعلی سطح کا ہنگامی اجلاس طلب کرلیا۔ ذرائع کے مطابق مولانا فضل الرحمن کے پلان بی پر حکومتی حکمت عملی مرتب کرنے کیلئے وزیراعلی پنجاب عثمان بزدار کی صدارت میں اجلاس آج دوپہر ایک بجے ایوان وزیراعلی میں ہوگا۔ اجلاس میں وزیر قانون پنجاب محمد بشارت راجہ، وزیر اطلاعات وتجارت پنجاب میاں اسلم اقبال، چیف سیکرٹری پنجاب یوسف نسیم کھوکھر، آئی جی پنجاب کیپٹن (ر) عارف نواز خان سمیت دیگر حکام اور محکمہ داخلہ کے اعلیٰ افسران شریک ہوں گے۔ اجلاس میں پنجاب حکومت کے ذمہ داران صوبے میں امن وامان کی صورتحال کا جائزہ لیں گے۔ اجلاس میں آزادی مارچ والوں کی جانب سے پلان بی کی دھمکی کا بھی جائزہ لیا جائے گا۔ صوبہ بھر میں سڑکوں کو رواں دواں رکھنے بارے حکمت عملی بھی طے کی جائے گی۔
 
خبر کا کوڈ : 827088
رائے ارسال کرنا
آپ کا نام

آپکا ایمیل ایڈریس
آپکی رائے