0
Friday 22 Nov 2019 13:58

ڈارک ویب سرغنہ کے ہاتھوں زیادتی کا شکار بچہ دوبارہ اغواء

ڈارک ویب سرغنہ کے ہاتھوں زیادتی کا شکار بچہ دوبارہ اغواء
اسلام ٹائمز۔ انٹرنیشنل ڈارک ویب سرغنہ سہیل ایاز کے ہاتھوں زیادتی کا شکار ہونے والے بچے کو دوبارہ اغواء کر لیا گیا ہے۔ انٹرنیشنل ڈارک ویب کے پاکستان میں گرفتار سرغنہ سہیل ایاز کے ہاتھوں اغواء اور زیادتی کا شکار ہونے والے بچے کو بازیابی کے بعد اسلام آباد سے دوبارہ اغواء کر لیا گیا ہے، بچے کے دوبارہ اغواء کا مقدمہ تھانہ کھنہ اسلام آباد میں درج کیا گیا ہے، جس میں کہا گیا ہے کہ 11 سالہ بچے عدیل خان کو سہیل ایاز کے ساتھیوں یونس وغیرہ نے اغواء  کیا ہے۔ دوسری جانب راولپنڈی پولیس کا کہنا ہے کہ متاثرہ بچہ ملزم سہیل ایاز کے خلاف مرکزی گواہ بھی ہے جب کہ متاثرہ بچے کے اغواء کے باعث سہیل ایاز کیس کو شدید نقصان پہنچنے کا خدشہ ہے۔ واضح رہے کہ چند روز قبل راولپنڈی پولیس نے تھانہ روات کے علاقے میں کارروائی کرتے ہوئے بچوں سے زیادتی کی براہ راست ویڈیوز نشر کرنے والے بین الاقوامی ڈارک ویب کے سرغنہ سہیل ایاز کو گرفتار کیا تھا۔ پولیس نے کارروائی کے دوران سہیل ایاز کے ہاتھوں اغواء ہونے والے 12 سالہ بچے عدیل خان کو بھی برآمد کیا تھا جو انڈے بیچ کرروزی کماتا تھا۔
خبر کا کوڈ : 828419
رائے ارسال کرنا
آپ کا نام

آپکا ایمیل ایڈریس
آپکی رائے

منتخب