0
Friday 24 Jan 2020 15:45

لاہور، کرکٹ میچ کے باعث میٹرو بس سروس بھی معطل کر دی گئی

لاہور، کرکٹ میچ کے باعث میٹرو بس سروس بھی معطل کر دی گئی
اسلام ٹائمز۔ لاہور میں جاری پاک بنگلہ دیش کرکٹ میچ کے موقع پر سکیورٹی خدشات کے پیش نظر میٹرو بس سروس بھی بند کر دی گئی ہے۔ میٹرو بس کی ماس ٹرانزٹ اتھارٹی نے تمام بسوں کو فوری طور پر ڈپو پہنچنے کی ہدایت کی جس کے بعد تمام بسیں ڈپو میں پارک کر دی گئی ہیں۔ ذرائع کے مطابق میٹرو بس سروس کو سکیورٹی خدشات کے پیش نظر بند کیا گیا ہے۔ میچ ختم ہونے کے 3 گھنٹے بعد میٹرو بس سروس بحال کر دی جائے گی۔ میٹرو بس سروس بند ہونے سے شہریوں کو شدید مشکلات کا سامنا ہے۔ شہریوں کا کہنا ہے کہ اگر میچ کی سکیورٹی اتنی ہی ضروری تھی تو شہر میں عام تعطیل کا اعلان کر دیا جاتا تاکہ دفاتر اور فیکٹریوں کو جانے والے ملازمین تو خوار نہ ہوتے۔ شہریوں نے میچ کے باعث سڑکوں کی بندش پر بھی تحفظات کا اظہار کیا ہے۔ 
خبر کا کوڈ : 840395
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش