0
Tuesday 20 Oct 2020 03:21

سول ملٹری تعلقات کی آئین کے مطابق دوبارہ وضاحت کرنا ہوگی، شاہد خاقان عباسی

سول ملٹری تعلقات کی آئین کے مطابق دوبارہ وضاحت کرنا ہوگی، شاہد خاقان عباسی
اسلام ٹائمز۔ مسلم لیگ (ن) کے سینئر نائب صدر شاہد خاقان عباسی نے کہا ہے کہ سول ملٹری تعلقات کی آئین کے مطابق دوبارہ وضاحت کرنا ہوگی، ملک آئین کے مطابق چلنا چاہیئے۔ یہ بات انہوں نے نجی ٹی وی سے گفتگو کرتے ہوئے کہی۔ ان کا کہنا تھا کہ ہمارا بیانیہ ہے ووٹ کی امانت میں خیانت نہ ہو، پہلے روز سے ہی الیکشن 2018ء کو متنازعہ اور دھاندلی زدہ کہا تھا۔ شاہد خاقان عباسی نے کہا کہ اعتراف کرنا ہوگا کہ ہائبرڈ نظام کی ناکامی کی بنیادی وجہ دھاندلی تھی، جمہوری اور سیاسی عمل چلانے کیلئے اسمبلیوں میں شامل ہوئے، کوشش کی نظام چل سکے لیکن پارلیمان کو چلنے نہیں دیا جا رہا۔

سابق وزیراعظم کا کہنا تھا کہ بات یہاں تک نہیں پہنچنی تھی لیکن ہر شخص یہی باتیں کر رہا ہے، آج ملک کا سب سے بڑا مسئلہ مہنگائی ہے، حقائق سب جانتے ہیں، ملکی ترقی اور مہنگائی کی بات کریں۔ ان کا کہنا تھا کہ اگر ملک ترقی کرتا تو آج کوئی بھی دھاندلی کی بات نہ کرتا، جیلوں میں ڈالنے سے ملکی مسائل حل نہیں ہوں گے۔
خبر کا کوڈ : 893007
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش