0
Saturday 23 Jan 2021 09:07

ایک مرتبہ پھر امریکی فوج جنگ زدہ شام میں داخل ہوگئی

ایک مرتبہ پھر امریکی فوج جنگ زدہ شام میں داخل ہوگئی
اسلام ٹائمز۔ جوبائیڈن حکومت نے 2 دن بعد ہی اپنے جارحانہ عزائم ظاہر کر دیئے۔ غیر ملکی خبر رساں ادارے کی رپورٹ کے مطابق جوبائیڈن انتظامیہ نے امریکی حکومت سنبھالنے کے فوری بعد جارحانہ عسکری عزائم ظاہر کر دیئے ہیں۔ بتایا گیا ہے کہ ایک مرتبہ پھر امریکی فوج جنگ زدہ شام میں داخل ہوگئی ہے۔ سابق امریکی صدر ڈونلڈ ٹرمپ نے دنیا بھر کے جنگ زدہ علاقوں سے اپنی فوج نکالنے کی پالیسی کے تحت گذشتہ برس شام سے بھی اپنی فوج نکال لی تھی۔ تاہم اب جوبائیڈن حکومت نے دوبارہ سے اپنی فوج شام بھیج دی ہے۔

رپورٹس کے مطابق ٹینکوں اور بکتر بند گاڑیوں پر مشتمل امریکی فوجی دستہ عرب اسلامی ملک شام میں داخل ہوگیا۔ یہ فوجی دستہ عراق کے راستے سے شام میں داخل ہوا، جبکہ ایک اور فوجی دستہ بذریعہ ہیلی کاپٹر شام پہنچ چکا۔ یہاں واضح رہے کہ جوبائیڈن نے 2 روز قبل ہی امریکا کے 46 ویں صدر کی حیثیت سے اقتدار سنبھالا ہے۔ انہوں نے امریکا کے صدارتی انتخابات میں سابق صدر ڈونلڈ ٹرمپ کو شکست دے کر فتح حاصل کی تھی۔ اقتدار سنبھالنے کے فوری بعد جوبائیڈن نے ڈونلڈ ٹرمپ کے کئی فیصلے صدارتی حکم ناموں کے ذریعے ختم کر دیئے تھے۔
خبر کا کوڈ : 911820
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش