0
Saturday 25 Sep 2021 14:22

خیبر پختونخوا، محکمہ صحت کے مسلسل غیر حاضر ملازمین کیخلاف کارروائی کا فیصلہ

خیبر پختونخوا، محکمہ صحت  کے مسلسل غیر حاضر ملازمین کیخلاف کارروائی کا فیصلہ
اسلام ٹائمز۔ محکمہ صحت خیبر پختونخوا نے رواں ماہ غیر حاضر ملازمین کے خلاف محکمہ کارروائی کا فیصلہ کیا ہے۔ محکمہ صحت خیبرپختونخوا کو آزادانہ مانیٹرنگ یونٹ کی جانب سے یکم سے 15 ستمبر تک اسٹاف کی حاضری سے متعلق ایک رپورٹ جمع کرائی گئی ہے۔ جس میں صوبے کے مختلف اضلاع میں ملازمین کی حاضری رجسٹرڈ کا جائزہ لیا ہے، اس رپورٹ میں 1641 ملازمین کے بارے میں رپورٹ جمع کرائی گئی ہے جن میں سے 593 ملازمین اپنی ڈیوٹی سے غیر حاضر پائے گئے ہیں۔ اس سلسلے میں محکمہ صحت کے سیکرٹریٹ میں جمع کرائی گئی رپورٹ کے یہ بات سامنے آئی ہے کہ اسپتالوں سے ڈاکٹرز، پیرامیڈیکس، ایل ایچ ویز، نرسز اور ماتحت ملازمین کی ڈیوٹی تسلی بخش نہیں تھی، بعض ملازمین ایمرجنسی چھٹی، بعض جنرل ڈیوٹی اور بعض ملازمین کسی اور دفتری کام کی وجہ سے کسی اور ڈیوٹی پر تھے۔

رپورٹ کے مطابق بیشتر ملازمین اپنی ڈیوٹی پر تاخیر سے پہنچے تھے ذرائع نے بتایا کہ 593 ملازمین بغیر پیشگی اجازت یا بتائے بغیر اپنی ڈیوٹی سے غیر حاضر پائے گئے تھے۔ ذرائع کا کہنا ہے کہ رپورٹ ہیلتھ ڈیپارٹمنٹ کو جمع کرادی گئی ہے جس میں ان ملازمین کیخلاف تادیبی کارروائی کی سفارش کی گئی ہے۔
خبر کا کوڈ : 955663
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش